කිමද ඈ කළ වරද

ඊනියා ප්‍රේමයක පැටලී

හුදකලා වූ මං තලාවක

තනි වූ නිමේෂයක

රාග ගිනි ඇවිළුනී

නොදැක දුරක්

සිහින ලොවක පැටලී

ගෙවුන කල මාසයක්

පිළිසිඳ කුස කළලයක්

සිතුවත් වනසන්නට

බැරිව, වීය එය කරුමයක්

ඉකුත්ව ගොස් දස මසක්

බිහිකළා කිරිකැටි බිළීඳියක්

ගැලවීමට නිසිමගක්

සොයමින් ගෙවූ  කාලයක්

ලැබීය සිතට සැනසුමක්

හිනැහුණා රැජින

එකපෙළට දසවරක්

අහිමිව කිරි බිඳට අයිතියක්

යන්න ගියා ඈ

හිමිව අන්සතු සෙනෙහසක්